Top Ad unit 728 × 90

حضن



هتستثنى الواقع وتعتقد ان كل شى بيحصل بنا على سبب ظاهر حالا وانت شايفه بنسبة مليون فى المية وان الجديد فى الموضع انك تتجاهل بس التفكير حبة بعقلك , وتقولى هتبقى فرصة عشان نخش حدوته ملهاش نهاية

عموما انت مفيش عندك اى قدرة على التوقع او الاحتمال, كل شى منطقى ولا منطقى فى نفس الوقت حتى ارتباطك بذاتك اصبح مبهم,ممكن حتى تركز لفتره على نقط الضعف والقوة هتلاقى نفسك مليان خوف وخضوع

الغول اللى انت رسمته لنفسك وفضلت مليون سنة تخطط بكل الوسائل لهزيمته مش غول اساسا لا ده طلع غزالة وبتخاف وكل غزالة وليها صياد وانت سيدى العارفين وعشان كده عمرك ما هتكون بطل وصورتك مش هتنزل فى الجرايد حتى لو ضحية, او فى صفحة الوفيات مفيش حد هيفتكرك اصلا

انت جيت على نفسك قوى

من الاخر ما تكلمنيش عن الواقع وعن الحقيقة والادراك والمبادى والاخلاق لانك اول واحد ما يعرفش اى حاجه عنهم

حتى شيطانك كان مستغرب جدا منك كان فاكرك نبى مش هيقدر يغويه , اه مهو كان بيحسبك معصوم من الغلط ......شفت ازاى انت خليت الشيطان يغلط فى نفسه.....





يعنى انت خدعة كبيرة قوى وبنصحك لما تتقابل انت واللى فهمك كل اساسياتك وطريقتك فى الحياة تقوله انا اسف لو كنت تفوقت عليك وتبوس ايده وراسه واى حته عزيزه تانية

وكمان فكره بحاجة مهمة ان امكانياتك على فك شفرة اى شى اقل من امكانياتك على خلق شفرة جديدة وان كلمة السر اتغيرت مبقاش فى سر وما تحاولش تفهم, لان هو مش هيفهم من اول النهارده حاجة تانية وده تحدى لقدراتك

وانت بتودعه احضنه قوى قوى بكل قوتك خليه يدوب جوه حضنك عشان يعيش العمر اللى فاضله مستنى حضن منك فيتالم يتالم جداااااااااااا

انه علمك تحضن العالم بقوة

سلام



حضن Reviewed by Unknown on 7:36 ص Rating: 5
All Rights Reserved by محدش بيموت ناقص حلم © 2014 - 2015
Powered By Blogger, Designed by Sweetheme

Formulaire de contact

الاسم

بريد إلكتروني *

رسالة *

يتم التشغيل بواسطة Blogger.