موضة 2015
فى كام حاجة طالعين موضه كده لازم نتكلم عنهم , العيال بتاعت انا مبحبش محمد منير , الحوار ده اتقال من 2006 عالنت وخلصنا منه , ممكن تجدد عادى
البنات بتاعت انا حابه اعترف انى مبحبش الشيكولاته , نفس القصة اتهرست كتير وتابوه فيلم كل البنات بتحب الشيكولاته اتكسر خلاص , اركنى بقى واعترفى باى حاجة ليها لازمة
و جو الحساسية والتافف بتاع قلع الحجاب ولبس الحجاب , واللهى روحى اقلعى او البسى بعيد عن اللى خلفونا , مش لازم قصة النت والشقلبة الفاضية , انتى فى العالم الالكترونى بالنسبة لناس كتير مجرد بروفايل ملوش لازمة
وطبعا حتى لاننسى بتوع بحب الشتاء ياريت تنزل بقى فى عز البرد ده بفانلة حمالات يا بتاع الشتاء يا كيوت
فى الاخر بقى عشان انا مستعجل ياريت محدش ينشر الفكرة الجاهلة بتاعت التنمية البشرية الوسخة , حتى لا تثير جدل وتنفر من حولك لا تتكلم عن مربع او مكعب او مثلت الدين والسياسة والجنس وشوية حاجات كده , انتوا عالم مقرفة , سلام
قبل السلام , حدش شاف جهاز الكفته فين ؟
موضة 2015
Reviewed by Unknown
on
7:44 م
Rating:
Reviewed by Unknown
on
7:44 م
Rating:
