Top Ad unit 728 × 90

الجيد والجيد جدا والسيئ والقبيح





داخلنا يوجد مفارقات غريبة نتيجة لتشوهات بنتعرضلها على مدار اليوم , مصر بتكون اجمل مكان فى العالم من بعد صلاة الفجر لحد سته ونص الصبح , مليانة ريحة حلوة , وشوش الناس اللى صاحية ومستجلة جدا وبتجرى على شغلها فى القطاع الخاص , وشوش الشباب اللى راجل وش الصبح من وردية فى مصنع او فى فندق او حتى سهرة فى الكباريه الرجول التقيلة اللى بتسحب الجسم الهلكان , الساعة 7 الصبح مصر بتتحول الى عباسية كبيرة كلها مجانيين وناس بتتخانق وضجيج وزحمة وكتله كبيرة من القرف , فى الغالب هو ده وقت انتشار كتلة موظفى الجهاز الحكومى البيروقراطى المرتشى الملعون فى شوارع البلد , من هنا تبتدئ تتعرض للتشوه البصرى والسمعى والاخلاقى , وتسب الدين غصب عنك , وتسب اللى جنبك فى سرك , وتسب لمصر بمزاجك , مصر مفيهاش اختيار بين جيد وسيئ , كل اللى فات ده تضييع للوقت , مش تحليل ممكن يكون كلامى غلط , وتطلع البنت اللى تم التحرش بيها فى اى شارع من شوارع مصر عايزه كده , وممكن يطلع انه شعب وسخ ومابيمشيش الا بالكرباج , واننا معندناش ضمير , واننا شعب وحش , عادى جدا , العالم مش مثالى , بس اللى انا متاكد منه فى اللحظة دى , ان فى مليون واحد شبهى شاف جملة على سور المدرسة مكتوبة كالاتى , مدرستى نظيفة وجميلة ومتطورة , وانا بالطبع عندى حتى الان هذه الرغبة فى الحياة بمكان جميل ونظيف ومتطور وخالى من عادم السيارات وخناق الناس , سلام 
الجيد والجيد جدا والسيئ والقبيح Reviewed by Mahmoud Nasa on 7:15 ص Rating: 5
All Rights Reserved by محدش بيموت ناقص حلم © 2014 - 2015
Powered By Blogger, Designed by Sweetheme

Formulaire de contact

الاسم

بريد إلكتروني *

رسالة *

يتم التشغيل بواسطة Blogger.