تحليل
النهارده معملتش اى حاجة مهمة فى حياتى على المستوى الشخصى غير انى رحت معمل المختبر عشان نعمل 3 تحاليل كده , واكلت سندوتش جبنة , وشيرت صورة على انستجرام , وكتبت حوالى 40 تويته على تويتر , ورفعت فيديو على اليوتيوب , وصممت كفر فوتوا لصفحة عالفيس بوك , وركبت ميكروباظ وكنت قرفان من السواق فنزلت قبل ما يطلع , ودخلت الحمام 10 مرات , وجالى صداع وراح , واتفرجت على تخريف خطاب السيسى الاخير وشوفته وهو بيزعق فى الدقيقة 25 للشباب المصرى فسبيتله ومش عارف كده انا اخت ذنوب ولا ايه , عموما استغفر الله العظيم وربنا يغفر لنا جميعا , والساعة دلوقتى 4 ونص الصبح ومش هنام عشان هروح للمرور عشان فى موظف ابن مايتين كلب نسى يكتب فى شهادة البيانات رقم صفر اللى عالشمال فالموظف اللى ابن مرة وسخة ومرتشى انا مفتحتش مخى معاه فقالى لازم ترجع تصححه , واصلا اللى نسى ده كان متعمد عشان هو مرتشى بردك وانا مفتحتش مخى معاه , وحابب اقول رسالة للشعب المصرى اى موظف فتح مخك معاه , عشان لو معملتش كده مش هتخلص اى مصلحة , بس ده مش مبرر فتح مخك معاه وخد مصلحتك , وارجعله بعد اسبوع خليه يلمعلك الجزمة بالفلوس اللى خدها , ببساطه روح على ودنه وقوله انا مديك فلوس ومعملتش بيها حاجة تعالى امسح جزمتى , ده لو انت فاضى , والحياة مملة , زى عداد التاكسى الابيض , والكلام هنا ديما بقى حزين , انا حاسس انى هموت قريب , او فى حد قريب منى قوى هيموت قريب , وكمان البوست ده ملهوش لازمة , مفيش حاجة ليها لازمة , ادينا بنحرق الوقت وبنستهلك روحنا , وفى واحد دلوقتى فى مكان معرفوش بعيد عن بنت بيحبها وظروف مادية او اى حاجة منعته انه يتجوزها ويكون نايم فى حضنها دلوقتى , غربة , فلوس , فوارق طبقية , ازمة مواصلات , مرتضى منصور , البوست ده ملهوش قفله معينه , بلا بداية ووسط ونهاية , هو عن اللاشئ واللامهم , اظن كده , ممكن تحلل كلمة كده فى دماغك زى ما انت عايز !!!!!
سلام
محمود
تحليل
Reviewed by Unknown
on
4:51 ص
Rating:
Reviewed by Unknown
on
4:51 ص
Rating:
