زينب

زينب

انا بكتبلك
و عارف انك ما بتقريش
ولا تعرفيش للحرف من معنى


لكن يمكن يوم تلاقيها

وتحاولى مع اصغر عيل من
اللى ما كملوش تعليم تقريها

مضطر ارحل واسيبك
مش خايف عليكى ولا عالعيال
بس قلقان على قراطين الارض الخضر
والزرعه اللى فيهم
اوعى تبعيهم........
الفاس موجوده على باب الزريبه
اه والجاموسه اياكى فى يوم تقولى ما بتحلبش
خلى بالك منها
الارض زى ما هتديكى اديها
ولو عوزتى حاجه
انا سايب ميه وخمسين جنيه
فى الطائه

اوعى تبكى انى مشيت
خليكى اويه
انا عارف انك بميت راجل
و ان ولد العم خانوكى وما وقفوش جنبك
ليكى رب هيحميكى.......

خدى بالك عالارض
وعالعيال
والدار.......

زينب


اللى يبيع ارضه
ملهوش غير
العار......