ممكن نصالح بعض؟

ممكن بقى نرجع طبيعيين زى زمان بجد

نبقى بنى ادمين يعنى

ما أنا زعلان قوى

منك

ومن نفسي

ومن الوقت اللي بيمر

من لحظات السكوت والصمت

فترات البعد......

من الكتابة

من احلامى و أحلامك

صلة الرحم اللي بيني وبينك

حتى

الحنين

الخوف من بكرة وعليه

الفشل النجاح

انك تناكفني فاحبك بزيادة ....

كل المفردات

اللي من خلالها نقدر نختلف أو نتفق

كل التفاصيل اللى بتكون حياتنا

أصبحت بالنسبالى زاعقة

بترن في سمعي

بتشوش على شوفنا

بتاخرنى

بتخلينى استني

لحد الموت

كالعادة ....

وأنا وهما

ابتدينا نستهلك بعض

وسط المتاهات الباهتة

ما بندورش على فرصة

نخلق منها لحظة

نتسامح فيها

أو نطمن على بعض ...

لكن فضلنا الألم

الألم

وانتظار

أننا نتخلص

من روحنا

فى بطء

......

محمود انت معايا؟؟

بقولك انا مش زعلان

اصلا

انا كنت بصارحك

بزيادة ودلوقتى ارتحت

...

نعم؟! أنت بتكلمنى؟

معلش

سرحت

AA Bronson: Mirror Mirror