استنى استنى انت عايزه يستنى؟
عشان نكون واضحين جدا مبارك وهو بيقول (اطالب السلطة بملاحقة المتسببين فيما شهدته مصر من ترويع للامنين)....بيقصد الملايين اللى خرجو عشان يقولوله لازم ترحل...مش بيقصد الشرطة اللى خربت البلد...فالناس اللى موافقة على كده توافق وتستنى المدبحة اللى بدائها بالمس مباشرتا بعد انتهاء خطبته وهيكملها على باقى الشعب ....الشعب المصرى استشهد منه حتى الان 300 فرد ده اللى معروف واعتقد انهم يزيدو عن الالف وما يقرب من 3000 جريح والله اعلم بعدد المعتقلين....
واما الناس المتعاطفة اللى مشاعرها مرهفة سياسيا وقلوبها بتتهز من كلمتين ناعمين ....احب اقولهم احنا فى ثورة وده جزار مش هيرحمكم زى ما عمره ما رحمنا طول التلاتين سنة اللى فاتو ...الشعب هيجوع زيادة والبلد هتتسرق اكتر وسياسة العصاية والجزرة,
اما انا او الفوضى اللى ديما بيلعب بيها اتكشفت خلاص واحنا فى الفترة اللى جاية ومع استمرار مطالبنا برحيله بنكسب مش بنخسر مفيش حاجة ممكن نخسرها تانى اكتر من اللى خسرناه فى الاول
ممكن بقى نلعب على المكسب مش التعادل وممكن بقى نهاجم وماندافعش احنا فى موقف قوة وهو فى موقف ذل يا ريت ما نتقسمش حوالين ناس موافقة وناس لا ........احنا كلنا مطالبنا واحده انه يمشى بقى ويريحنا
فيما معناه استمرار مبارك فى الحكم يقابله ايام سوده هتعيشها مصر اسود بكتير من الايام السوده اللى اللى شفناها معاه
استنى استنى انت عايزه يستنى؟
![]()
Reviewed by Unknown
on
7:25 ص
Rating:
