السهر
الساعة 5 وشوية الصبح , النوم مجاش ده عادى وبقالى فتره كل حاجة حواليه مش مظبوطه , اختى الكبيره النهارده اتصلت بيا قالتى مبتسالش عليا ليه ؟؟؟ , اخر مرة كلمتها معداش عليها اسبوع هى لسه مكملتش سؤال والخط قطع , الخط قطع عشان سؤالها الغريب , وعشان مكانش عندى اجابة , وعشان اول مرة احس ان الشبكة فى خدمتى بجد , و مفيش مساحة فى دماغى لاستيعاب اشخاص او افكار او زحمة , اعتقد محتاج فرمته , استجمام , انعزال , صلاة , رحمة ربنا
المسافة بتخلق راحة , بتخلق استغناء عن حاجات متعود عليها , عملية تخليق بيئتك اللى انت عايزها حواليك بكل عناصرها وتفاصيلها حاجة مش سهلة وديناميكية , لكن مش مشكلة لو كانت دى رغبتك , عارف المشكلة ايه , المشكلة مش الاستغناء المشكلة الحرمان .................... , يارب ما تحرمنيش من حاجة بحبها زى النوم كده
السهر
Reviewed by Unknown
on
5:23 ص
Rating:
Reviewed by Unknown
on
5:23 ص
Rating:
