بعد خطاب مبارك الثورة لسه مستمرة

طلبات الناس فى الشارع واضحة جداااا

للى بيفهم واللى ما بيفهمش

بيقولو مش عايزينه

طالبين رحيله

قالوها بالهندى والعبرى والانجليزى والجريكى والروسى والبرتغالى

وبكل لغات العالم

باللتينى والفرعونى

بلغة الجن

وبلغة الجسد

بالرقص والطبلة والزمارة

يعنى ما تمثلش

بنقولك ارحل يا عميل

سيب البلد

بس ايه بعد الخطبة وللاسف كل ما يخطط لحاجة يطلع عكسها

ابتدى على فكرة يصعب عليا وهو بيتذل قدام الناس تصدقو الظلم وحش

احا يعنى بعد ما كان احزاب المعارضة اللى موجودة ايامه بيمشيهم امين شرطة ويتمنو يبوسو جزمة مبارك

دلوقتى بيرفضو يقابلوه او يتكلمو معاه

بيقلوله ارحل

مش المعارضة وبس طبعا المهم هنا شباب مصر العادى جدا اللى اخره يشجع ماتش الاهلى والزماك

عاملين ثورة

الجميل بقى حتى الان ان امريكا عمالة تشخ على نفسها واسرائيل ميته فى جلدها عارفة ان الناس دى طالما فاقت يبقى هتفوق عليها هى كمان

المهم بقى ايه

مبارك دلوقتى وبعد تلاتين سنة غطرسة على الشعب...بيتذل

الحمد لله دعوات سبعين مليون ربنا استجاب ليها

جه يوم اشوف فيه مبارك بيتذلل للناس بيقلهم وحيات ابوكم سبونى لحد شهر تمنية

سبونى وهعملكم كل اللى انتو عايزينه

فيردوا يقولوله مش عايزينك مش عيزينك

....

عموما الناس اللى عملت الثورة هى اللى هتحدد مصير الثورة اوراق اللعب كلها حاليا مع الشارع مش مع احزاب المعارضة ولا مع امريكا واسرائيل ولا مع الحكومة اللى لسه بتسند مبارك وهو بيسندها خايفين لايقعوا وتنكسر رقبتهم

واشوف ذل قناة الحياة والمحور والتليفزيون المصرى وهو عمال يتذل للناس يقلهم شايفين المظاهرات بتعمل ايه كده غلط يا اخوانا اهدو شوية حبو مصر حبو ماما وبابا خافو عليها خلى بالكو المظاهرات بتجيب بلطجية بتجيب تخريب خليكو فى البيت ما تسمعوش كلام المخربين

مبارك صمام الامن

يا اااااااااااه عالزمن الحمد لله

كل قنوات شبكة النيل والعربية بتاعت اليهود العرب والشرق الاوسط

بيتذلو للناس

وهناء السمرى

ههههههههههههههه

مش عارف مين هيقلها تانى قولى يا هناء

وسيد ابو ريالة حاسس خلاص انه هيتنفخ فى الايام اللى جاية

وتشامر امين الشباب بيتفقوا مين اللى هيظبطه ويعمل معاه حاجة عيب

اما عبد الله كمال ده بقى حبيبى ممكن تسيهولى انا هتعامل معاه وحيات ابوكم

....

وطبعا فى اخر تطور لطلبات الناس

الموضوع اتغير من

ان الشعب يريد اسقاط النظام

الى

الشعب يريد اسقاط الرئيس

الى

الشعب يريد اعدام الرئيس

او فى بعض الاحيان محاكمة الرئيس

لانهم كانو بيتعاملو بكرم معاه بس هو تقريبا مش كريم معانا

اسيبكم لما يبكينا حتى لا تكون خطبته الاخيرة تميل قلب من هو ضعيف الايمان

وده بقى ما يغركش الثقة اللى هو فيها

كفاية انه يكدب على ناس عارفه انه بيكدب

استمتع ... داحنا بنتسلى يا راجل زى ما قالنا