المسيحيين فى حماية ميدان التحرير
هو انا لو قولت انى كمسلم بحترم المسحيين اللى فى بلدى لانهم مصريين وليهم حقوقهم زينا بالظبط واكتر كمان فواجب على المصرى الجدع انه يكون راجل مع اخوه, مع انى بحكم دينى الاسلام وفى اطار النظام السابق بعترف انهم كفرة اولاد دين كلب زى ما معظم الناس بتقول فى الشارع اللى انا اتربيت فيه , ولو قلت كمان ان المسحيين فى مصر بيعتبروا المسلمين كفرة ولاد دين كلب هيدخلو النار لكن فى الاول والاخر الطرفين اللى هما الناس العاديين ما بيحطوش شرط التعامل الدين بينا بس بيحطوا شرط الاخوة والعشرة والصد اقة والجيرة والوطن اللى ما بينا فى اننا نحب بعض اظن ده ما يزعلش حد خالص .
ولو انا قلت ان المسيحيين اللى هما بيفهموا وما سمعوش كلام الكنيسة اللى ديما بتخليهم يلعبوا دور الضحية والمضطهد والمظلوم فى المجتمع عشان تكسب على قفاه حاجات كتير ومنها استمرار ولائه للكنسية اللى كانت تابعة للنظام السابق واللى فى الحقيقة ممارساتها كانت ضد الثورة , المسيحيين دول اللى هما كانو فى التحرير معانا وبيحمونا وبنحميهم فى وقت صلاتنا ووقت صلاتهم .
ولو قلنا كمان فى بداية الثورة كانت المظاهرات اللى بتطلع موالية لمبارك كانت بتتمركز امام ماسبيرو وهى نفسها المظاهرات اللى كانت بتطلع تخرب وتجيب بلطجية بيمثلها حاليا نفس العقلية والاتجاه اللى بيطلع اخواتنا المسيحيين على ماسبيروا وعلى طريق اكتوبر وعلى الطرق الرئيسية وقطعها , والسبب واحد فوضى وبلطجة وتخويف الناس ونشر فتنة...على الرغم من اننا كلنا عارفين ان صوت الناس اللى فى ميدان التحرير مسموع وعليه الضوء اكتر من اى مكان واكتسب مصداقة وشرعية الثورة لكن التحرير ما بيدخلوش الجبان وعدو الثورة.........عشان كده وبكل بساطه بعتبر ان اللى بيحصل قدام ماسبيرو وبعد خبر خروج جماعات سلفية للاشتباك معاهم كخبر تحريضى ..يعنى يقراءه واحد ما بيفهمش يخرج على مسبيروا عشان يقاتل تحت راية الاسلام والتانى تحت راية الصليب لو قلنا كل ده ثورة مضادة وحرب استنزاف حقيقية ضد الثورة بيشارك فيها قيادات كنسية واللى كانت ضد الثورة بشكل علنى وحاليا بتحارب من اجل بقاء الولاء ليها من اخوانا المسيحيين ضحايا فكر ما قبل 25 يناير حد هيقولى مالكش دعوة بالمسيحيين؟.
طيب لو قلت ان الناس اللى هما اخواتنا اللى هما مسييحين يطلعوا على ميدان التحرير يقولو مطالبهم عشان نعرف نحميكم ونحمى نفسنا وما نديش فرصة لحد يوقع ما بينا هكون غلطان
المسيحيين فى حماية ميدان التحرير
![]()
Reviewed by Unknown
on
9:31 م
Rating:
